Әрбір мемлекеттің құқықтық жүйесінің өзегі – Конституция. Ол азаматтардың негізгі құқықтары мен бостандықтарын бекітіп, олардың қорғалуына кепілдік береді.
Жаңа Конституцияда әр адамның заң алдындағы теңдігі, ар-намысы мен қадір-қасиетінің қорғалуы, сөз бостандығы, еңбек ету, білім алу, медициналық көмекке қол жеткізу сияқты негізгі құқықтар нақты айқындалған.
Сонымен қатар мемлекет азаматтардың әлеуметтік қорғалуын қамтамасыз етуге, әділ сот төрелігін дамытуға және заң үстемдігін нығайтуға міндетті екені белгіленген.
Құқықтық мемлекет құрудың басты шарты – азаматтардың Конституцияны құрметтеуі және заң талаптарын сақтауы. Конституциялық мәдениет қоғамдағы тұрақтылық пен қоғамдық келісімнің маңызды негіздерінің бірі болып саналады.
