Әрбір азаматтың адал еңбегімен тапқан мүлкі – оның бостандығының, дербестігінің және ертеңгі күнге деген сенімінің негізі. Меншікке құрмет – бұл тек өз мүлкіңді бағалау ғана емес, өзге адамның еңбегін, оның талпынысы мен уақытын құрметтеу деген сөз. Егер әркім өз мүлкін қорғап, өзгенікіне қол сұқпаса, қоғамда тұрақтылық пен әділдік орнайды.
Меншікті қорғау – қауіпсіз әрі әділетті қоғамның басты белгісі. Бұл – мемлекеттің де, әрбір азаматтың да ортақ міндеті. Заңды сыйлау – өзге адамның еңбегіне, оның таңдауына, оның жеке кеңістігіне деген құрметтің жарқын көрінісі.
Есіңізде болсын: меншікке қол сұғу – заң бұзу ғана емес, бұл адамның ар-намысына, еңбегіне жасалған қиянат. Заңды сыйлап, өзгенің еңбегін құрметтейік!
