Қазақстанда жеңіл өнеркәсіпті дамытудың 2030 жылға дейінгі кешенді жоспары әзірленіп жатыр.
6 тамызда өткен кеңесте жауапты мемлекеттік органдар, «Атамекен» Ұлттық кәсіпкерлер палатасы, «Даму» қоры және отандық кәсіпорындардың өкілдері саланың даму перспективаларын талқылады.
Кездесуде отандық өндірісті қолдау, кәсіпорындардың бәсекеге қабілеттілігін арттыру және саланың өзекті мәселелерін шешу жолдары қаралды.
Жеңіл өнеркәсіпті дамыту отандық тауар өндірісін ұлғайтып, жаңа кәсіпорындар мен жұмыс орындарының пайда болуына мүмкіндік береді.
