қажеттілігі орынды әрі өзекті мәселе ретінде көтерілген. Қазіргі заманда ғылым мен инновация мемлекеттің тұрақты дамуының негізгі факторына айналып отырғаны белгілі. Сондықтан шығармашылық еркіндікке кепілдік беру тек жеке тұлғаның құқығын қорғау емес, сонымен қатар ұлттық мүддені қамтамасыз ету тетігі болып табылады. Мемлекеттің бұл саладағы міндеттері нақты әрі айқын жазылуы құқықтық айқындықты күшейтеді.
Шығармашылық, ғылыми және техникалық қызметтің еркіндігі тікелей кепілденуі азаматтардың интеллектуалдық әлеуетін толық іске асыруға мүмкіндік береді. Бұл өз кезегінде ғылымның, мәдениеттің және технологияның дамуына оң ықпал етеді. Авторлық құқықты, патенттерді, ғылыми жаңалықтар мен техникалық шешімдерді қорғау – зияткерлік меншікті сақтаудың маңызды шарты. Мемлекет осы құқықтарды қорғауды өз мойнына алуы арқылы шығармашылық еңбектің құндылығын танитынын көрсетеді.
Сонымен қатар, мемлекеттің тек қорғаушы емес, қолдаушы рөлін де атқаруы маңызды. Ғылыми зерттеулерге, инновациялық жобаларға және шығармашылық бастамаларға жағдай жасау – дамыған құқықтық мемлекеттің белгісі. Бұл қағиданың Конституцияда бекітілуі мемлекеттік саясаттың тұрақтылығын қамтамасыз етеді. Әкімшілік немесе экономикалық кедергілердің болмауы азаматтардың еркін дамуына жол ашады.
Осы тұрғыдан алғанда, ұсынылған тұжырымдар конституциялық құндылықтар жүйесіне толық сәйкес келеді. Олар құқықтық мемлекетті нығайтуға, азаматтық қоғамды дамытуға және елдің зияткерлік әлеуетін арттыруға бағытталған. Сондықтан бұл нормаларды конституциялық деңгейде бекіту орынды әрі уақыт талабына сай деп есептеуге болады.
Жунусов Айдын Серикулы, Жамбыл ауданының мәслихат депутаты
