Қазақстанда алғаш рет өтетін Құрылтай сайлауына дайындық жұмыстары қарқын алды. Президент Жарлығына сәйкес дауыс беру күніне дейін саяси партиялар кандидаттар тізімін қалыптастырып, сайлау штабтарының жұмысын күшейтуде.
Бүгінде партиялар өңірлерде штаб отырыстарын өткізіп, сенім білдірілген адамдарды бекіту, үгіт-насихат материалдарын әзірлеу және сайлауалды бағдарламаларын халыққа таныстыру бағытындағы жұмыстарды жүргізуде. Сонымен қатар кандидаттарды тіркеу рәсімдері аяқталып, заң талаптарына сәйкестігі тексерілуде.
Құрылтай – еліміздің жоғары өкілді әрі заң шығарушы органы. Оның депутаттары жалпыұлттық сайлау арқылы бес жыл мерзімге сайланады. Жаңа саяси модель азаматтардың мемлекеттік басқаруға қатысу мүмкіндігін кеңейтуге бағытталған.
