«Екі Жамбыл екі әлем» атты спектаклдің тұсаукесері өтті

Бүгін аудандық мәдениет үйінде жыр алыбы Жамбыл Жабаевтың рухын ұлықтауға арналған «Екі Жамбыл екі әлем» атты спектаклдің тұсаукесері өтті.
Салтанатты шараға аудан әкімі Нұрлан Ертас, аудан әкімдігінің аппараты, ақын жазушылар және БАҚ өкілдері қатысты.
Аталған спектаклдің авторы Қазақстан Жазушылар Одағының мүшесі, ақын Рәтбек Терлікбаев. Қойылымды белгілі режиссер Ғалымжан Сайлаубеков сахналаған.
Он көріністен тұратын қойылым Жамбыл Жабаевтың жастық шағынан басталып, өмірінің соңына дейінгі сан қилы оқиғалардан құралған.
Жиналған көпшілік «Сүйінбай» халық театрының сахнада көрсеткен өнерін жоғары бағалап, қошемет көрсетті.